Nasehat Untuak Buyuik(Yudi) . Antah bara kali dari
dulu Yudi ko taragak bunuah diri lay sanak tapi gagal se taruih, masalah
nan mambuek Yudi bunuah diri tu ndak jauah-jauah dari masalah klasik
yaitu patah hati,kanai tulak atau kanai kick dari group. Pernah dulu
Yudi minum baigon tapi gagal mati karano taminum baigon nan alah
kadaluarsa.
Pernah pulo Yudi gantuang diri, tapi gagal karano
ketauan Pak Jorong Malin Kironyo Pak Jorong Malin ndak nio tali tambang
nan dipakai Yudi untuak bunuah diri mamatahan dahan batang Togenyo.
.
Jo
caro ekstrem pun Yudi pernah pulo mancubo bunuah diri yaitu manembak
kapalonyo. Dicarinyo dek Yudi polisi untuak maminjam pistol. Tapi polisi
ndak amuah maminjamkan pistolnyo, polisi tu hanyo diam icak-icak ndak
tau. Jo perasaan kecewa ditinggaan dek Yudi polisi lalok tu.Dan nan
terakhir Yudi gagal juo bunuah diri karano acok di kick Pak Jorong dari
Group,wakatu tuh Yudi mamamerkan foto tangannyo nan luko sambia ma ancam
"Ba kick den sakali lai,den ka bunuah diri,iko baru peringatan sajo"
Baitu ancaman Yudi ka anggota Group.Tapi setelah di kick,Yudi pun gagal
bunuah diri karano pisau nan di pakainyo pisau untuak pamotong kue ulang
tahun anak nan sabalah rumahnyo.
.
Gagal bacewek jo gagal bunuah
diri, Yudi pun mintak nasehat ka Pak Jorong Malin,baa caronyo supayo
dapek cewek. Ditelponnyo Pak Malin dek Yudi, tapi ndak di angkek2 Malin
do, ibo Malin jo Yudi, alah iduiknyo sadang menderita, pulsanyo abih
pulo. Akhianyo Malin nan manelpon Yudi sasudah nyo kirim pulsa moibu.
.
Sasudah maota panjang leba, Pak Malin agiahlah Yudi babarapo nasehat jo tips supayo inyo capek dapek cewek.
.
Tips partamo
Malin manyuruah Yudi acok-acok bado'a. Bukannyo cewek nan dapek malah paruik Yudi nan makin buncik, do'a sabalum makan kironyo nan acok dibaco dek Yudi..
Gagal tips partamo, Pak Malin ma agiah tips kaduo yaitu mautamokan KEJUJURAN karano cewek tu suko jo cowok nan jujur. Kapado cewek nan ditaksir, Yudi pun jujur. Jujur kalau inyo hanyo urang bansaik, jujur kalau inyo hanyo pengangguran jo jujur kalau inyo lah lamo bana manjomblo. Awalnyo cewek tu mulai suko ka Yudi, tapi akhianyo Yudi kanai tulak juo+kanai tampa, Yudi talongsong mangecek kalau inyo jujur suko pulo ka adiak cewek tu.
.
Duo tips nan Pak Malin agiah gagal. Akhianyo Pak Malin manyuruah Yudi mancubo tips nan katigo. Ko tips nan paliang mantap jo jarang gagal. Tipsnyo jan main tembak sajo, tapi mulailah PDKT ka Abaknyo, karano biasonyo kalau kito lah dakek jo Abaknyo jo bisa maambiak perhatian Abaknyo nan anaknyo manuruik sajo. Kan ado istilahnyo tu "kalau nio buah jan langsuang dibaeh tampuaknyo jo batu bia capek jatuah, tapi panjeklah dulu batang tu sudahtu patahan tampuak buah tu lambek-lambek.."
ado juo pituahnyo"Kalau taragak jo buahnyo,siangi dulu pangkanyo".
.
Suatu katiko Yudi datang karumah cewek nan nyo suko. Mulai lah Yudi PDKT ka Abak cewek tu. Yudi maajak maota, mambalian rokok sarato mauruik pungguang Abak cewek tu.
.
Bisuaknyo Yudi datang liak, PDKT jo Abak cewek tu liak. Yudi datang mambawoaan martabak,sarato ma ajak Abak cewek tu main pees bagai...
.
Lah tujuah hari baturuik-turuik Yudi PDKT jo Abak cewek tu, Yudi jo Abak cewek tu mulai dakek, mulai akrab dan Abak cewek tu mulai basimpati ka Yudi. Akhianyo Yudi pun jadian jo...
.
