Carito Minang : Efek Jomblo Kronis

 Dimalam minggu nan cerah sarato panuah bintangko duo makhluk astral sajenis tampak duduak jo perasaan ibo. Kaduo makhluk tu adolah makhluk penyandang jomblo paliang lamo dikampuang Palanta pemirsah, Yudi Jo Bangdho namonyo  .

Ndak jauah dari kaduo koncek sawah tu, duduak pulo duo insan manusia nan sadang dimabuak asmara, dimabuak cinta jo dimabuak kasiah sayang. Nan laki-laki gagah nan padusi kamek, hmmm pasangan nan ideal.
.
Kaduo urang nan sadang pacaran tu tampak bahagia bana, saliang senyum, saliang suok'an makanan jo saliang cubit-cubitan. Cieeee saba mblo..  .
.
Mancaliak pasangan nan sadang mesra tu tantu sajo mambuek Bangdho jo Yudi paneh.
.
"woi bisa kalian cari tampek pacaran nan lain ndak? Samak utak den mancaliak kalian..!!" Ariak Yudi sambiak manunjuak jo tangan kida.
.
"Antah io bantuak kalian se nan pacaran dek kalian mah..!!" Bangdho sato pulo maariak.
.
"zZzzz.." Kaduo urang tu hanyo cuek, ndak peduli jo ariak Bangdho ataupun Yudi. Bahkan paja-paja nan sadang pacaran tu mulai ndak terkendali, saliang bapagang tangan jo kapalo padusi tampak basanda dibahu cowoknyo.
.
"Yud capek ang beraksi ang siram nak urang baduo tu lah, ndak sopan bana jo mangarati samo agamo sarato adat istiadat.." Kecek Bangdho.
.
"Sip Tuak.." Yudi maambiak aia saembe, sudahtu mandakek ka urang nan sadang pacaran tu..
.
"Shooooow.. Buuuuuur..." Saembe aia disiramkan dek Yudi.
.
"Wkwkwkwk asailah dek kalian kabuuuuur.." Bangdho galak pueh, sudahtu dipupuahnyo lari kancang.
.
"Hahahahaha kabuuuuuur.." Yudi sato lo lari.
.
"Kumprang..!! Bruk..!!" Inggok tangkelek ndak ba rem dikuduak Yudi dibaeh Mak Malin.
.
"Ntah ka galak ntah ka berang ntah ka ibo den mancaliak parangai kalian.. Urang pacaran dalam tipi kalian siram juo, itu kan hanyo adegan sinetron". Mak Malin geleng-geleng kapalo sambia ma lap tipinyo jo lap meja.